Powered by Bravenet Bravenet Blog

Phonecam

journal photo

September 16th, 2004

11:59 PM

Report-Presentation-Relax-瘋狂地追尋海岸-London!!

  • weather:
  • Mood:

13 號, 交完 report, 終於可以鬆少少, 但係重有個 presentation 喺後便, 嗰晚我就上咗 jessie 度諗住練習吓`` 點知 nancy 同 louis 又上埋去, 攪到我緊張到鬼咁. 晚黑又係瞓唔好.

14 號下晝去 Castle,  聽講嚟愛丁堡如果未去過 Castle 就未算嚟過, 而且我哋仲要係免費嘅, 肯定要去啦`` 不過去到, 都冇嘢睇嘅, 淨係得個居高臨下` 淨係望勻成個市中心之嘛`` 之後去匯豐 complain同埋問 bank statement 啲嘢, 佢居然即時就打咗份 statement 畀我, 不過係冇我個地址嘅, 簽唔到手機, 跟住行 Princes St., 喺 The Body Shop 買咗樣嘢. 點知又落雨, 撐開把遮先發覺原嚟把遮爛咗, 真係化學! 之後又見到 3G 手機 12.5 鎊月租, 更甚者有 9.99鎊啊`` 好! 一於簽 3G! 晚黑又係瞓得唔好`` 發惡夢啊`` 聽日 presentation 喇```

15 號, 一早就起身練習 presentation, 練咗勁多次, 開頭好驚咖, 後尾好咗好多. 跟住差唔多一點嗰時就煮麵食, 點知都未煮完...... 又響火警! 又係邊個啊`` 咁唔識做! 於是嗱嗱聲捧埋兜麵出 building 外邊食, 原嚟係 vivian 煲湯整出嚟嘅`` -__________- ! 下晝, with 好緊張好緊張嘅心情上戰場喇`` 第一個係 janny, 佢講到一嚿嚿, 口震震咁, 攪到我都好鬼死緊張, 心跳勁快`` 

做完一個又一個, break 完又 break, 最尾 nick 走咗, 啊``` 點可以咁咖, nick 最睇好我咖, 佢走咗我點算啊`` 終於到我上台, 好心跳啊`` 成只手都凍晒` 為咗掩飾我嘅緊張, 我唯有大大聲咁嗌出嚟. 最尾算係畀我順利過骨``  講完成身汗啊```

16 號, 下晝出去訂火車飛, 遇著個上海中科院嘅教授, 唔係好聽得明佢啲國語, 真係煩``` 去到又訂唔到火車飛, 真係煩. 於是我哋去海邊, 點知又去唔到. 聽又聽唔清個司機講嘢, 行行行, 行咗好耐都唔見有佢講嗰駕車, 頂! 跟住又落雨, 4個人兩把遮好狼狽啊`` 又大風, 好想死``` 幾公里都見唔到有車站, 陰公啊陰公啊``` 叫天不應叫地不聞啊``` 嗚嗚嗚嗚```

返到嚟攰到死, 食完飯都11點半, 跟住上網訂咗來回倫敦嘅巴士飛, 但係要經 Glasgow, 好麻煩啊` 開頭諗住回程訂飛機嘅, 點知見佢咁平, 一時開心就唔記得咗`` 呢次係我第二次網上購物, 但係係我第一次網上支付, 真係過癮, 好鬼鍾意我張 HSBC solo card.///

(前日個臺灣人介紹我嗰時話我係香港人, -_____- ! 尷尬死喇```)

(今日真係好好好好好好......凍啊`` 今日嘅行程簡直就係癲咗``, 等我搬咗屋一定要攞件羽絨出嚟著, Sophia 都著羽絨喇``)

1 Comment(s).

Posted by danny:

几happy下咁啵~~:P
September 18th, 2004 @ 12:37 AM

Post New Comment

No Smilies More Smilies »